გასეირნება რუსთავის პარკში

  … და კარგადაც იპოზიორა. მეც არ დავწყვიტე გული და აი ასეთი პორტრეტი გადავუღე:  

მომღერალი ბაყაყები

მთელი ამ დროის განმავლობაში ფოტოსესიას მუსიკალურად აფორმებდა ბაყაყების გუნდი. ბაყაყები მორცხვები არიან. არ უყვართ როცა სურათებს უღებენ და ამის გამო მთელი გუნდის გადაღება ვერ მოვახერხე, მაგრამ ორი შევამჩნიე და  ჩუმად გადავუღე. მერე მოვილაპარაკეთ და ფოტოებსაც რა თქმა უნდა მათი ნებართვით ვაქვეყნებ საჯაროდ.

… — არც ჩვენ ვართ ვინმეზე ნაკლები და ჩვენც გვინდა კარგი ფოტოებიო. გონიერ და ძალიან სასარგებლო არსებებს გულს როგორ დავწყვეტდი და იმდენი სურათი გადავუღე, რამდენიც უნდოდათ.  ნაყოფიერი და კარგი ფოტოსესია გამოგვივიდა.

სულ მაღლა კი ზეცას კაწრავდნენ ფრინველები, რომლებიც ადამიანმა საკუთარი ხელით შექმნა იმისთვის, რომ ხანდახან თითონაც მოსწყვეტოდა მიწას და ეფრინა. ისე, ადამიანის შექმნილი სილამაზით არ ჩამოუვარდება ბუნების შექმნილს… 

არც ამ მშვენიერ სამეულს დავწყვიტეთ გული.